ذخیرۂ برزن

الیگزینڈر برزن دا بدھ ذخیرۂ برزن

ایس صفحے دے متنی روپ ول کانٹا بدلو ۔ مڈھلی بھال تے جاؤ

مڈھلا > تبتی بدھ مت دی مڈھلی شکشا > تیجی پدھر: لوجونگ (من دی تربیت) مادی > ڈر دے بھوت نوں پالنا پوسنا اتے سِدھاونا

ڈر دے بھوت نوں پالنا پوسنا اتے سِدھاونا

الیگزینڈر برزن
مارچ ۲۰۰۲ء
ترجمہ: افضال محمود

ایہ طریقہ تسولٹم الیون دے کم توں متاثر ہو کے تشکیل پایا ہے اتے ایس وچ اک دھرم دے راکھے دی "تکمیل اتے بحالی" دی رسم دے ڈھانچے نال رلاون لئی ترمیم کیتی گئی اے۔

  • ایس گل نوں متھنا کہ کیہڑی شے تہاڈے لئی ڈر اتے پریشانی دا سبب بندی اے – مثلاّ، اکنتا اتے ایہ احساس کہ تہانوں کوئی نئیں پیار کردا – اتے ایس نوں اجیہا بھوت سمجھو جو تہانوں پریشان کردا اتے ڈراوندا اے۔
  • انج تصور کرو کہ ایہ بھوت تہاڈے اندروں نکلدا اے اتے تہاڈے سامنے کھلو جاندا اے۔ ایس نوں پوچھوکہ ایہ کیہ چاہندا اے۔
  • انج تصور کرو کہ تسی ایس نوں اوہ کجھ دے رہے او جو ایہ چاہندا اے – ہُن دے حال اندر ایس نوں پیار اتے موہ دیو۔
  • ایس بھوت نال یاری لا لو اتے ایس دے ذمہ ایہ کم لا دیو کہ آون والے سمے وچ ایہ تہانوں، تہاڈے ایس احساس نوں کہ کوئی تہاڈے نال پیار نئیں کردا، توں بچاۓ دا۔
  • ایہ گل چنگی طراں جان لو کہ جے تُسی ایس بھوت نوں باقاعدگی نال ایس دا بھتہ نہ دتا تے ایہ فیر تہاڈے اوپر دھاڑا مارے دا۔ آنے والے سمے وچ باقاعدگی نال اوس نوں خوش رکھن دا تہیہ کرئیے۔ ایس دا مطلب اے:

    • ایس بارے سُرتائی،
    • کھلے عام ایس گل نوں مننا، پچھتاوے دا وکھالا کرنا، اتے وعدہ کرنا کہ جے کدی اسی ایس بھوت نوں توجہ نئیں دتی تے مُڑ کے انج کدی نئیں ہووے دا،
    • ایس طراں اوس نال اپنا پکا رشتہ مُڑ کے قائم کرنا،
    • ایک وار فیر اوس نوں پالنا پوسنا،
    • اوس نوں ایہ گل یاد دلاونا کہ اوس نے تہاڈی راکھی دا وعدہ کیتا ہویا اے۔