ذخیرۂ برزن

الیگزینڈر برزن دا بدھ ذخیرۂ برزن

ایس صفحے دے متنی روپ ول کانٹا بدلو ۔ مڈھلی بھال تے جاؤ

مڈھلا > کجھ ساڈے بارے > ذخیرہ برزن بارے کجھ گل بات

ذخیرہ برزن بارے کجھ گل بات

سلام ہے اوہناں مہاتما بدھاں اتے مہان گورواں نوں جنہاں نے شکشا لئی، اوس اوپر عمل کیتا، اوس نوں اپنے من اندر وسایا، اتے اپنی شکشا تے اکھ دھرائی نوں دوجیاں تیکر اپڑایا۔

سلام ہے اوہناں عالماں نوں جنہاں نیں ایس شکشا دی پرچول کیتی، ایس نوں کھول کے بیان کیتا، تے ایس طراں ایس (شکشا) نوں ایس دے تاریخی اتے سنسکرتی روپ وچ پیش کیتا۔

دعا اے کہ ایس سائٹ نوں ورتن والیاں نوں اک نرول من اتے مدعا ملے جس نال اوہ ایس شکشا دی سُرت راہیں پرچول کرن، اتے جے اوہ ایس نوں فائدہ مند پاون، تے ایس نوں پڑھن، سمجھن، تے سبناں دے بھلے لئی ایس اوپر ٹھُک نال عمل کرن۔

"دعا اے کہ میں دھرم دے شبداں توں ارتھ دی برکھا برساواں، اتے سب گواچے ہوئیاں نوں کھول کے سمجھا دیواں۔"

تسنژاب سرکونگ رنپوچے دوم اتے الیگزینڈر برزن

 

صورة ألكسندر بيرزينذخیرہ برزن امریکی گیانی اتے لکھاری الیگزینڈر برزن، جنہاں نے بھارت وچ ۲۹ ورہے تبتی بدھ مت دی شکشا اتے عبادت وچ گزارے، دے کماں دا مجموعہ اے۔ اوتھے اوہناں نے زیادہ تر اپنے استاد سورگ واسی تسنژاب سرکونگ رنپوچے لئی بطور التھاؤ کم کیتا، اتے کدی کدار تقدس مآب دلائی لاما لئی وی۔ ۱۹۸۰ دے دھاکے دے شروع توں ہُن تیکر ڈاکٹر برزن نے ۷۰ توں ودھ دیساں دیاں یونیورسٹیاں اتے بودھی آشرماں وچ چوکھی شکشا دتی ہے۔

انگریزی اتے ہور کئی بولیاں وچ لکھے ہوۓ ۳۰،۰۰۰  توں ودھ  صفحے اتے ۸۰۰ توں ودھ سمعی ریکارڈ سمیت ذخیرہ برزن وچ رلت نیں:

  •  تبتی صحیفیاں دے ترجمے اتے خلاصے
  • چھاپی کتاباں اتے ان چھاپے مسودے
  • برزن دے لیکچراں دے سمعی ریکارڈ
  • کئی سو مضمون پڑھان لئی تحریری نقلاں اتے اسباقی خاکے
  • برزن دے استاداں دے پڑھاۓ مضموناں اوپرنوٹ اتے ترجمے
  • تبتی بودھی گورواں اتے اسلامی عالماں نال سوالاں دیاں نجی بیٹھکاں
  • اک ہزار توں ودھ انگریزی، جرمن، فرانسیسی اتے روسی لکھتاں توں نوٹ پڑھن دا کم
  • جوتشی اتے بودھی تیکنیکی اصطلاحواں دیاں نکیاں تبتی توں انگریزی لُغتاں
  • برزن دے وچار اتے جگتائی سفر نامے

ذخیرہ برزن جو کہ اُکا ہی ورتن والیاں دے چندے اوپر چلدا اے، دا مدعا ایہ ہے کہ انٹرنیٹ اوپر (لوکاں نوں) کئی زباناں وچ مُفت چار تبتی بودھی دھرماں اتے وسطی ایشیا دی تاریخ اتے سنسکرتی بارے جانکاری دتی جاۓ۔ ایس نوں ذخیرہ برزن ای۔ وی۔' جو کہ جرمنی دا اک کاپی رائٹ توں مبرّا،بغیر منافع دے کم کرن والا ادارہ اے، دی سہائتا حاصل اے (جیمینٹزیگر ویرن رجسٹر ن ر۔ ۲۴۲۳ ن ز، برلن)۔

ذخیرہ برزن دی ویب سائٹ ایہناں شیواں اوپر توجہ دیندی اے:

  • سوتر اتے تنتر بارے مختلف تبتی دھرماں دا بیان
  • کل چکر، جوتش، ڈزاگچن، اتے مہامدرا
  • پڑھائی اتے عبادت لئی مِتھیاں پدھراں، جس وچ مراقبے لئی مواد وی رلت اے
  • تبتی وچار دا دوجے بودھی وچاراں نال تول
  • سکھلائی دے پروگرام جِویں ساویں حِسیت، جس دی اکساوٹ بودھی طریقیاں توں ملدی ہے
  • بدھ مت اتے اسلام وچکار گل کتھ دی تاریخ

روائیتی ول اوپر بنایا ہوئیا، ہر صفحہ بجھارت دا اک اٹوٹ انگ اے۔ ہائیپر لنک ایہناں نوں ملاون دا اک تانا بانا قائم کردے نیں۔

ایہ ویب سائٹ اپنے نومبر ۲۰۰۱ دے جنم توں ہی ودھ رہیا اے کیوں جے ایس پراجیکٹ دے فائدے اوپر پورا یقین اے اتے ایس نوں بوہت سارے لوکاں دی سہائتا وی ملدی اے۔ باقی دا کم  پورا کرن لئی رل مل کے، دل لا کے کئی ورہے کم کرنا ہووے دا۔ ایس نوں توڑ تیکر اپڑان لئی تہاڈی سہائتا دی ڈاڈھی لوڑ اے۔

 شکریہ،

  
کارستن باکم
نائب صدر، ذخیرہ برزن
  
ڈاکٹر الدِمار ہیگوالد 
صدر، ذخیرہ برزن 

 

"دعا اے کہ میں اوہناں لئی پُل، بیڑی اتے جہاز بناں
جیہڑے پانیاں پار جانا چاہندے نیں۔
دعا اے کہ میں اوہناں لئی ٹاپو بناں جو ارام منگدے نیں
اتے اوہناں لئی دیوا بناں جو چانن منگدے نیں۔"

شانتی دیو