བྷར་ཛིན་བཤད་མཛོད།

འབུམ་རམས་པ་ཨེ་ལེག་ཛན་ཌར་བྷར་ཛིན་གྱི་ནང་བསྟན་བཤད་མཛོད།

དྲ་ཤོག་དེའི་ནང་གི་ཡིག་ཐོག་ཅི་ཡོད་ལ་ཁ་ཕོད་པ། ཁ་ལོ་བ་གཙོ་བོར་མཆོངས། ཁ་ལོ་བ་གཙོ་བོར་རྒྱུགས།

དྲ་ཤོག་ངོ་གདོང་། > ནང་ཆོས་ལ་འཇུག་པ། > དགེ་བའི་བཤེས་གཉེན། > དགེ་བའི་བཤེས་གཉེན་གྱི་སྐུ་ཐོག་གཉིས་དང་འབྲེལ་ལམ།

དགེ་བའི་བཤེས་གཉེན་གྱི་སྐུ་ཐོག་གཉིས་དང་འབྲེལ་ལམ།

ཨེ་ལེག་ཛན་ཌར། བྷར་ཛིན། ཕྱི་ལོ་ ༢༠༠༢ ཟླ་ ༢ །

དགེ་བའི་བཤེས་གཉེན་དང་འབྲེལ་བ་དམ་ཟབ་ཡོད་པ་དེས་སོ་སོའི་མི་ཚེའི་ནང་ཡར་རྒྱས་ཆེན་པོ་དང་གལ་གནད་ཅན་གྱི་འབྲེལ་མཐུད་ཅིག་ཡོང་ངེས། དེ་ད་དུང་ཟོག་རྫུ་དང་། སེམས་ངལ་ཆོས་སེམས་བརླག་པའི་རྐྱེན་རྩར་ཡང་འགྱུར་ངེས། དེ་དག་ཚང་མ་འབྲེལ་ལམ་དེ་ཉིད་ཧུར་བརྩོན་ཆེན་པོས་ལྷད་མེད་ཅིག་བཟོས་ཡོད་མེད་ལ་རག་ལུས་ཡོད། དེ་ཡང་སོ་སོ་རང་ཉིད་དང་སོ་སོའི་དགེ་བའི་བཤེས་གཉེན་གྱི་ཡོན་ཏན་དང། འབྲེལ་མཐུད་ཀྱི་དམིགས་ཡུལ། འབྲེལ་ལམ་གྱི་འགུལ་ཤུགས་དང་ས་མཚམས་བཅས་ཀྱི་སྐོར་ལ་དོན་དངོས་དང་མཐུན་པའི་བསམ་ཕྱོགས་ཤིག་ཡོད་པར་རག་ལུས་ཡོད་པ་རེད།

ཕྲན་ནས་ Relating to a Spiritual Teacher: Building a Healthy Relationship (དགེ་བའི་བཤེས་གཉེན་ཞིག་དང་འབྲེལ་བ་བྱེད་དུས་དམ་ཚིག་གཙང་མ་ཞིག་འཛུགས་དགོས)། (Ithaca: Snow Lion, 2000; བསྐྱར་དུ་པར་སྐྲུན་བྱས་ཏེ།: Wise Teacher, Wise Student: Tibetan Approaches to a Healthy Relationship. Ithaca: Snow Lion, 2010) ཞེས་པ་སྤྱིར་བཏང་ཐོག་ནས་བརྩམས་པའི་རྒྱུ་མཚན་ནི་ང་རང་གི་དགེ་བའི་བཤེས་གཉེན་གཙོ་བོ་སྟེ། སེར་ཀོང་མཚན་ཞབས་རིན་པོ་ཆེ་དང། སྤྱི་ནོར་༸གོང་ས་༸སྐྱབས་མགོན་རིན་པོ་ཆེ་མཆོག །དགེ་བཤེས་ངག་དབང་དར་རྒྱས་ལགས་རྣམས་དང་འབྲེལ་ལམ་བྱུང་བའི་ནང་གལ་གནད་ཅན་གྱི་ཕན་ཐོགས་ཆེན་པོ་བྱུང་བ་དང། རྒྱུ་མཚན་གཞན་ནི་ང་རང་གི་འཛམ་གླིང་ནང་ཆོས་བཤད་སྐོར་བསྐྱོད་སྐབས་ཐུག་འཕྲད་བྱུང་བའི་བཅོས་མིན་ཆོས་འཚོལ་མཁན་མང་པོ་ཞིག་ལ་ཆ་རྐྱེན་བཟང་བའི་ཉམས་མྱོང་ཉུང་ཉུང་ཞིག་ལས་མེད་པར་ང་རང་བློ་ཕམ་བྱུང། ཆགས་སྲེད་དང་། དཔལ་འབྱོར། དབང་ཆ་ལོག་པར་སྤྱོད་པ་སོགས་མྱོང་བ་ངན་པ་ཡོད་པ་མང་པོ་ཞིག་གིས་ཁོ་རང་ཚོ་ཉེས་མེད་གནོད་འཚེ་ཕོག་ཡུལ་ཞིག་ཏུ་ངོས་འཛིན་བྱེད་ཀྱི་ཡོད། ལོག་པར་སྤྱོད་མཁན་གྱི་དགེ་རྒན་གཅིག་པུའི་ཐོག་ཏུ་ལེ་ལན་བཀལ་ནས་ཁོང་ཚོས་དགེ་བའི་བཤེས་གཉེན་ཚང་མ་ལས་ཐག་རིང་དུ་བཏང་བ་དང། སྐབས་རེ་ཆོས་ཀྱི་ལམ་ལས་ཀྱང་ཐག་རིང་དུ་བཏང་བ་བྱུང་ཡོད། གཞན་འགའ་ཞིག་གིས་སོ་སོའི་དམ་ཚིག་གཙང་མ་མེད་པའི་འབྲེལ་ལམ་ངོས་ལེན་མེད་པར་ཚད་ལྡན་གྱི་བཤེས་གཉེན་བསྟེན་པ་དག་སྐྱེལ་མ་བྱས་པ་ཙམ་མ་ཟད། སྤྱི་སྲོལ་ལྟར་གྱི་ཚད་གཞིར་དེས་སྐྱོན་ཆ་ཇི་ཙམ་ཡོད་མིན་ལ་མ་ལྟོས་པར་ད་དུང་དེ་ལྟ་བུའི་དགེ་རྒན་གྱི་སྤྱོད་ཚུལ་ཐམས་ཅད་ཆོས་དང་མཐུན་པ་སྟེ་དག་སྣང་དུ་བསམས། དེ་འདྲའི་མཐའ་གཉིས་པོས་སློབ་མ་རྣམས་ལ་དམ་ཚིག་གཙང་མའི་འབྲེལ་ལམ་ཞིག་ལས་འཐོབ་ངེས་ཀྱི་ཕན་ཡོན་ཡོངས་རྫོགས་འཐོབ་པར་གེགས་བྱས་ཡོད།

སློབ་མ་རྣམས་ནུབ་ཕྱོགས་པ་དང་དགེ་རྒན་ཚོ་བོད་པ་ཡིན་པའི་གནས་སྟངས་ནང་དཀའ་ངལ་གྱི་འབྱུང་རྩ་གཅིག་ནི་རིག་གཞུང་གི་གོ་འཛོལ་ཏེ། ཕྱོགས་གཞན་དེས་སོ་སོའི་རིག་གཞུང་གྱི་རྒྱས་བཅད་དང་མཐུན་པར་བྱེད་དགོས་པའི་དོན་དངོས་དང་མི་མཐུན་པའི་རེ་བ་དེ་ཡིན་པ་རེད། དེ་ལས་ལྷག་པའི་ཐེ་ཚོམ་གྱི་འབྱུང་རྩ་རྣམས་ནི་གཞུང་ཚད་ལྡན་གྱི་ནང་གསལ་བའི་བླ་སློབ་གྱི་འབྲེལ་ལམ་དེ་བཞིན་སྐབས་དོན་གྱི་ཚིག་དོན་དུ་སྒྱུར་བ་དང། ཐུན་མིན་ཐ་སྙད་གྱི་དོན་ལོག་པར་འདྲེན་པ་སྟེ། རྒྱུན་དུ་འགྱུར་ལོག་པའི་དབང་གིས་འབྱུང་གི་ཡོད་པ་རྣམས་སོ། །

ལམ་རིམ་གྱི་གཞུང་ནང་དུ་དཔེར་ན། བཤེས་གཉེན་བསྟེན་ཚུལ་གྱི་འབྲེལ་ལམ་དེ་ལམ་གྱི་རྩ་བར་གསུངས་ཡོད་པ་དང་གཞུང་གི་བརྗོད་བྱའི་ཐོག་མར་གླེང་ཡོད་པ་རེད། གཟུགས་རྒྱན་གྱི་ཐོག་ནས་བརྗོད་ན། གང་ལྟར་ཡང་ཤིང་སྡོང་གི་ཡུན་གནས་ཀྱི་རང་བཞིན་ནི་དེའི་རྩ་བ་ལས་འབྱུང་གི་ཡོད་པ་ལས་དེས་རྩ་བ་ཞིག་ལས་འགོ་འཛུགས་པ་མིན། ཤིང་སྡོང་ནི་དེའི་ས་བོན་ཞིག་ལས་འགོ་འཛུགས་ཀྱི་ཡོད་པ་དང། རྗེ་ཙོང་ཁ་པ་ཆེན་པོས་འབྲེལ་ལམ་དེར་ལམ་གྱི་ས་བོན་ཞེས་གསུངས་མེད། མདོར་བསྡུས་ན། ལམ་རིམ་གྱི་ཆེད་དུ་བྱ་བའི་གདུལ་བྱ་ནི་ལས་དང་པོ་བ་རྣམས་མ་ཡིན། དེའི་གདུལ་བྱར་རབ་བྱུང་ཕོ་མོ་གཏོགས་ཤིང་། གསང་སྔགས་ཀྱི་དབང་འཐོབ་པའི་ཆེད་འདུས་པ་དང་། ཁོང་ཚོར་སྟ་གོན་དུ་མདོའི་གཞུང་ལ་ཐོས་པ་སྔོན་དུ་བཏང་བ་ཞིག་དགོས། དེ་འདྲ་བའི་གང་ཟག་རྣམས་ལ་སྔོན་གྱི་ཐོས་བསམ་སྒོམ་གསུམ་ལས་སངས་རྒྱས་གྱི་ལམ་ལ་འཇུག་རྒྱུའི་འདུན་པ་ཡོད་བཞིན་པ་ཡིན་ཞིང་། དམ་ཚིག་གཙང་མའི་བཤེས་གཉེན་བསྟེན་ཚུལ་ནི་རྩ་བ་སྟེ། དེ་ལས་འཚང་རྒྱ་བའི་ལམ་རྫོགས་པར་བྱེད་པའི་རྒྱུན་སྲིང་རྒྱུར་འདུན་པ་སྐྱེད་པ་ཡིན། དགོས་དོན་ནི་ནུབ་ཕྱོགས་པའི་ཆོས་ཚོགས་སུ་བཅར་བའི་ལས་དང་པོ་བ་རྣམས་ཀྱིས་དེར་ཡོད་པའི་དགེ་བའི་བཤེས་གཉེན་རྣམས་སངས་རྒྱས་སུ་བལྟ་དགོས་པ་དེ་རྩ་བ་ནས་མིན་པ་རེད།

ང་རང་ཉིད་ཀྱི་གནས་ཚུལ་ནང་། ང་ལ་དགེ་བའི་བཤེས་གཉེན་ཞིག་དང་ལྷན་དུ་ཁོང་གི་སྐུ་ཐོག་གཉིས་དང་འབྲེལ་བ་དམ་ཟབ་ཡོད། ངས་ལོ་དགུའི་རིང་༸གོང་ས་ཏཱ་ལའི་བླ་མ་མཆོག་གི་མཚན་ཞབས་དམ་པ་སེར་ཀོང་མཚན་ཞབས་རིན་པོ་ཆེ་མཆོག་གི་སློབ་མ་དང་། སྐད་སྒྱུར། དབྱིན་ཇིའི་དྲུང་ཡིག ཕྱི་རྒྱལ་སྐོར་བསྐྱོད་ཀྱི་དོ་དམ་པ་བྱས་ནས་བསྡད་པ་ཡིན། རིན་པོ་ཆེ་མཆོག་ཕྱི་ལོ་ ༡༩༨༣ ལོར་སྐུ་མྱ་ངན་ལས་འདས་ཤིང། ཟླ་བ་དགུ་ཏག་ཏག་གི་རྗེས་སུ་སླར་ཡང་སྐུ་བལྟམས་པ་དང། ངོས་འཛིན་ཞུས་ནས་དགུང་ལོ་བཞིའི་ཐོག་དྷ་རམ་ས་ལར་སླར་ཡང་ཆིབས་སྒྱུར་བསྐྱངས། ཟླ་བ་ཁ་ཤས་ཀྱི་རྗེས་ང་ཚོ་མཇལ་བའི་ཡུད་ཙམ་དུ་ཁོང་དང་ང་གཉི་གས་ང་ཚོའི་འབྲེལ་མཐུད་དམ་ཟབ་དེ་སླར་ཡང་ངེས་བརྟན་བཟོས། ཁོང་གི་ཞབས་ཕྱི་ཞིག་གིས་ང་རང་སུ་ཡིན་མིན་བཀའ་འདྲི་ཞུས་པར་ཁོང་གིས། ཆོ་མེད་མ་ཤོད། ངས་ཁོ་སུ་ཡིན་མིན་ངོ་མི་ཤེས་པ་ཅི་ལ་སྲིད། ཅེས་ལན་བསྐྱོན་སོང། ག་དུས་ཡིན་ནའང་རིན་པོ་ཆེས་ང་རང་ཁོང་གི་བླ་བྲང་གི་སྐུ་འཁོར་ཉེ་པོ་ཞིག་ཏུ་བརྩིས་གནང་བ་སྟེ། དགུང་ལོ་བཞི་ལ་སོན་པ་ཞིག་གིས་བརྫུས་མ་བྱེད་མི་ཐུབ་བོ། རང་ངོས་ནས་ཀྱང་ང་ཚོའི་འབྲེལ་ལམ་དམ་ཟབ་དེ་ལ་ཐེ་ཚོམ་གང་ཡང་མེད།

སེར་ཀོང་མཚན་ཞབས་རིན་པོ་ཆེ་དང་ཨེ་ལེག་ཛན་ཌར། ༢༠༠༡།

ཕྱི་ལོ་ ༢༠༠༡ ལོའི་དབྱར་དུས་སུ་ཕྲན་ནས་རིན་པོ་ཆེ་དང་ལྷན་དུ་རྒྱ་གར་ལྷོ་ཕྱོགས་སུ་ཁོང་གི་གྲ་ཚང་དགའ་ལྡན་བྱང་རྩེར་ཟླ་བ་གཅིག་བསྡད་པ་ཡིན། དེ་དུས་ཁོང་དགུང་ལོ་བཅུ་བདུན་ཡིན་ཞིང་། ཁོང་གིས་དགེ་འདུན་པའི་འདུས་ཚོགས་དབུས་སུ་ཉིད་ཀྱི་གཞུང་འབྲེལ་དགེ་བཤེས་ཀྱི་མཚན་གནས་ལ་འཇུག་པའི་རྟགས་སུ་མཛད་སྒོའི་ནང་རྟགས་བསལ་བཏང་གནང་སོང། ཟླ་བ་དེའི་རིང་ཁོང་གིས་སློབ་སྦྱོང་བྱེད་བཞིན་པའི་དགེ་བཤེས་དམ་བཅའི་གཞུང་རྣམས་ལས་ང་ལ་གསུང་ཆོས་སྩལ་བ་དང། ཁོང་གི་སྐུ་ཐོག་གོང་མའི་ནུབ་ཕྱོགས་པའི་ཉེ་བའི་སློབ་མ་གཞན་ཞིག་ལ་ཉིད་ནས་བཤད་ཁྲིད་དང་གཞུང་འགྲེལ་གནང་བར་གསུང་སྒྱུར་ཞུས་པ་ཡིན། ངས་རིན་པོ་ཆེར་སླར་ཡང་ཉིད་ཀྱི་གསུང་སྒྱུར་ཞུ་རྒྱུ་བྱུང་བར་ངོ་མཚར་ཇི་ལྟར་བྱུང་བ་འགྲེལ་བརྗོད་ཞུས་པར་ཁོང་གིས། ལོས་ཡིན། དེ་ནི་ཁྱེད་རང་གི་ལས་རེད། ཅེས་གསུངས་བྱུང། ང་རང་གི་ངོས་ནས་ཀྱང་མུ་མཐུད་ནས་རིན་པོ་ཆེར་རྒྱུན་སྲོལ་མ་ཡིན་པའི་བརྒྱུད་རིམ་ཐོག་ནས་སྐུ་ཐོག་གོང་མས་གནང་བའི་ཆོས་དང་སྲིད་ཀྱི་བསླབ་བྱ་རྣམས་ཕྱིར་ཕུལ་བ་ཡིན།

སེར་ཀོང་མཚན་ཞབས་རིན་པོ་ཆེའི་སྐུ་ཐོག་གཉིས་དང་ལྷན་དུ་བྱུང་བའི་ང་རང་སྒེར་གྱི་འབྲེལ་ལམ་དེས་དམ་ཆོས་དང་སྐྱེ་བ་སྔ་ཕྱིར་ང་རང་གིས་སློབ་སྦྱོང་དང་སྒོམ་ཉམས་ལེན་བྱས་པ་ཙམ་ལས་ལྷག་པའི་གདེང་ཚོད་ཆེ་བ་ཞིག་སྟེར་གྱི་འདུག དེ་ནི་དངོས་འབྲེལ་ལམ་ལ་མུ་མཐུད་ནས་འཇུག་རྒྱུར་བློ་སྟོབས་སྟེར་བའི་གཞི་རྩ་ཞིག་རེད་འདུག ཁོང་དང་ང་རང་གཉི་གའི་ཐོག་ནས་ཁོང་གི་སྐུ་ཐོག་གཉིས་ཀྱི་ནང་སོ་སོའི་དབར་གྱི་ལས་འགན་ལ་སོ་སོར་སླུ་བྲིད་བྱས་མེད། ཁོ་དང་ང་ནི་སོ་སོ་སུ་ཞིག་ཡིན་མིན་ཐད་ལ་མཐའ་གཅིག་ཏུ་མཚུངས་པ་མིན་ལ། མཐའ་གཅིག་ཏུ་འགལ་བ་ཡང་མ་ཡིན། ཁོང་ང་གཉིས་རྒྱུན་ཞིག་སྟེ། ཕན་ཚུན་སེམས་གཏིང་ནས་གུས་བརྩི་དང་ལྷན་དུ་སོ་སོའི་མི་ཚེའི་ད་ལྟ་དང་འབྱུང་འགྱུར་ནང་གི་གནས་སྐབས་འདྲ་མིན་སྐོར་ལ་དོན་དང་མཐུན་པའི་བསམ་ཕྱོགས་ཤིག་གཞི་རྩར་བྱས་ཤིང། གཉི་གས་ཕན་ཚུན་གཅིག་ནས་གཅིག་ཤོས་ལ་དཀའ་ངལ་མེད་པའི་ཐོག་ནས་སློབ་ཁྲིད་དང་སློབ་སྦྱོང་ལེན་རེས་བྱེད་ཀྱི་ཡོད། དེ་ནི་ཡོངས་སུ་རང་བཞིན་དུ་ཚོར།

ཚན་རིག་རྟོག་སྒྲུང་སྟེ། སྐར་མའི་རྒྱང་བསྐྱོད་ (Star Trek) གློག་བརྙན་ལ་དགའ་མོས་ཅན་གྱི་མི་ཞིག་ཡིན་པའི་ཆ་ནས་ང་ལ་གློག་བརྙན་དེའི་རྒྱུན་ངོ་མ་རྣམས་དང་མི་རབས་རྗེས་མ་ཞེས་པ་གཉིས་ཀའི་ལས་མིའི་ཁོངས་སུ་ཡོད་པ་ལྟ་བུའི་མྱོང་བ་འཆར་བ་ནི། སྔོན་ལ་འགོ་དཔོན་ཀེར་ཀི་ (Captain Kirk) འོག་ལ་དང་ད་ལྟ་ཁོང་གི་སྐུ་སྐྱེ་རྗེས་མ་འགོ་དཔོན་པི་ཁར་ཌི་ (Captain Picard) ཁོང་ད་དུང་ཡང་གསར་སྦྱོང་གཞོན་ནུ་ཞིག་གི་ཚུལ་དུ་སྦྱོང་བརྡར་བྱེད་ཀྱིན་ཡོད་པའི་འོག་ལས་ཀ་བྱེད་ཀྱི་ཡོད་པ་དེ་རེད། ངས་གདོང་ལེན་བྱེད་པའི་ཁ་གཏད་གཙོ་བོ་ནི་མུ་མཐུད་ནས་ལས་བསགས་ཏེ་འབྱུང་འགྱུར་གྱི་ཨེན་ཊེར་པེ་རའི་སི་ (Enterprise) ཞེས་པའི་གནམ་གྲུ་ཚང་མའི་ལས་མིའི་ཐོག་ནས་སྲི་ཞུ་སྒྲུབ་རྒྱུ་དེ་ཡིན་ནོ།། །།